Shabu nagpabiling pinaka naabusong droga sa Rehiyon 12 – PDEA

By | November 4, 2013 | GenSan Edition

GIBUTYAG sa Philippine Drug Enforcement Agency (PDEA) 12, nga ang shabu ang nagpabiling pinakaabuso nga droga sa Rehiyon 12.

Sumala  ni Assistant  Regional  Directorni Atty.Ronniel  Pe ,sa pakighinabi ngadto kaniya, tungod sa kadako sa panginahanglan sa shabu sa Rehiyon 12 nahimo kining  negosyo sa pipila ka tawo sa lugar.

“Shabu is still the commonly abused drug in the region” asoy ni Pe.

Gibutyag usab niini nga ang supply sa maong butang ang naggikan sa Cotabato City, ug ginabyahe sa pipila ka dapit sa rehiyon sama sa Kidapawan City,Tacurong City, Koronadal City, Isulan,Sultan Kudarat, Glan, Sarangani Province ug uban pang mga dapit.

Samtang ang supply usab sa Marijuana matud pa niini ang gikan sa  Sarangani, Colombio  sa Sultan Kudarat,Tampakan ug T’boli South Cotabato.

Sa  dakbayan, ang mga ahente sa PDEA matud pa ang nagsubay karon sa Silway gumikan sa taho nga anaa sa maong lugar ang taas nga ihap sa tigpayuhot ug namaligya sa ginadiling droga.

Nanawagan usab si Pe, sa mga katawhan nga mamahimong vigilante nga kung adunay mamatikdan nga dili maayong ginbuhaton  mamahimong lang makig-alayon ngadto sa ilang buhatan.

Dugang niini nga maayo nga aduna nay mamugna nga “drug court” gumikan usab sa nagkadaghan sa kaso, aron mahimong paspas ang pagtaral sa mga molambigit niini. (Richel Gubalani)


Warning: Invalid argument supplied for foreach() in /home/brigz/public_html/news/wp-content/plugins/facebook-like-and-comment/comments.php on line 21