Bumabalangkas ngayon ng mga bagong panuntunan ang mga mambabatas sa Singapore upang gawing pormal ang 'caning', o paggamit ng pamalo bilang paraan ng pagdidisiplina sa mga lalaking estudyanteng edad siyam pataas simula sa susunod na taon.
Ayon kay Education Minister Desmond Lee, ang hakbang na ito ay suportado ng mga school administration at principal, basta’t masiguro na may mahigpit na gabay na susundin upang hindi malagay sa panganib ang kaligtasan ng mga bata.
Layunin ng nasabing polisiya na itama ang pag-uugali ng mga mag-aaral sa pamamagitan ng kontroladong disiplina na dadaan sa masusing pag-aaral ng mga awtoridad bago ang nakatakdang implementasyon nito.
