Iniimbestigahan ngayon ang walong pulis-Navotas matapos silang masampahan ng reklamo kaugnay ng umano’y pag-torture sa dalawang suspek kaugnay ng shooting incident sa Barangay Bangkulasi noong November 3 na nagresulta sa pagkamatay ng isang biktima.
Ayon kay PNP Public Information Office Chief BGen. Randulf Tuaño, ang mga sangkot na pulis ay pawang Police Non-Commissioned Officers.
Apat ay may ranggong Staff Sergeant, isang Master Sergeant, isang Corporal at dalawang Patrolman.
Noong November 20, sinampahan sila ng mga reklamong grave misconduct, serious irregularity in the performance of duty, conduct unbecoming of a police officer at paglabag sa Anti-Torture Act sa Internal Affairs Service.
Ang mga reklamong ito ay inihain ng abogado ng dalawang complainant.
Hindi naman tinukoy ng PNP at NCRPO kung kailan eksaktong naganap ang umano’y pag torture at hindi rin inabanggit ang kasalukuyang estado ng walong pulis na iniimbestigahan.
