Nag-trending ang AI R&B singer na si Xania Monet matapos siyang makapasok sa Billboard chart at makakuha ng $3 milyon na record deal.
Nilikha siya ng Mississippi-based poet at songwriter na si Telisha “Nikki” Jones, at gamit ang AI, nailalapat ang kanyang lyrics at emosyon na naghatid ng kakaibang timpla ng human touch at artificial intelligence.
Sa loob lamang ng apat na buwan, nakapaglabas si Xania ng 44 na kanta at nakakuha ng milyon-milyong tagahanga, na nagpatunay na bukas ang publiko sa bagong anyo ng musika.
Ayon sa manager na si Romel Murphy, hindi layon ni Xania na palitan ang mga human singers.
Ngunit may mga kritiko tulad ni Kehlani, na nagsabing walang AI ang makakakumpara sa tunay na human artistry.
Sa ngayon, si Xania Monet ang unang AI artist na nakapasok sa Billboard radio chart — at malamang, hindi siya ang huli.
