Nakamit ng Pinay tennis player na si Alex Eala ang kampeonato sa WTA 125 Birmingham Open title matapos mapatumba ang kalaban mula sa Czech Republic na si Nikola Bartunkova sa iskor na 5-7, 6-3, at 7-5.
Matapos maipanalo ang laro, isa na si Eala sa mga manlalarong nanalo sa Birmingham Open, kahanay sina Billie Jean King, Maria Sharapova, at Ash Barty.
Ayon kay Alex, napakaganda aniyang pakinggan na isa siya sa mga pangalang nabanggit na kahanay ang mga beteranang manlalaro.
Isang malaking karangalan para kay Eala ang maiuwi ang tropeong kanyang natanggap.
Ngunit iginiit niya na ang pagkapanalo ng tropeo ay hindi pa nangangahulugang kabilang na siya sa mga pinakadakilang manlalaro ng tennis.
Nagpasalamat naman si Eala sa lahat ng Pilipino na sumuporta sa kanya upang mapagtagumpayan ang kampeonato.
