Kinumpirma ng Australia ang unang kaso nito ng H5N1 bird flu.
Sa isang press conference, sinabi ni Agriculture Minister Julie Collins na na-detect ang sakit mula sa seabird sa remote na bahagi ng Western Australia, at na-confirm ito ng national science agency.
May samples din mula sa isang ibong may sakit mula sa parehong lugar, at mayroon din itong suspected positive result.
Samantala, idiniin naman ni Collins na walang eidensya ng anumang mass mortalities sa ngayon, at walang anumang ebidensya ng impeksyon sa mga poultry.
Sa kasalukuyan, naghahanda na ang Australia sa H5N1 bird flu sa pamamagitan ng paghihigpit sa biosecurity sa mga darms, pagte-test ng ibon na malapit sa mga baybayin, at pagbabakuna ng mga species.
Ayon kay Prime Minister Anthony Albanese, gagawin nila ang lahat upang masolusyonan ang posibleng pagkalat nito.
