Kinumpirma ng United States Geological Survey na maituturing bilang “doublet earthquake” ang tumamang magkasunod na malakas na lindol sa Venezuela nitong Miyerkules, Hunyo 24.
Ayon sa USGS, ang unang pagyanig ay may magnitude 7.2 na sinundan ng mas malakas na magnitude 7.5 pagkalipas lamang ng isang minuto.
Naitala ang epicenter ng lindol sa layong 21 kilometro silangan ng coastal town ng Moron na may lalim na 10 kilometro.
Dahil sa tindi ng pagyanig, maraming gusali ang gumuho kabilang ang ilang matataas na istruktura sa Caracas.
Naranasan din ang pagkawala ng kuryente at komunikasyon sa iba't ibang bahagi ng rehiyon.
Nanawagan naman si Interior Minister Diosdado Cabello sa publiko na umiwas at mag-ingat sa mga nasirang gusali at manatiling alerto sa posibleng mga aftershock.
Patuloy pang sinusuri ang lawak ng pinsala habang inaalam pa ng mga awtoridad kung may mga nasawi o malubhang nasugatan dahil sa magkasunod na pagyanig.
Kaugnay nito, nagdeklara na rin ng state of emergency ang Pangulo ng Venezuela dahil sa lawak ng pinsala sa lindol.
