Ipinaaresto na ng korte si dating PCSO General Manager Royina Garma at apat na iba pa kaugnay sa pagpatay kay PCSO Board Secretary Wesley Barayuga at sa pamamaril na ikinasugat ng driver nito sa Mandaluyong City.
Kinumpirma ito ni PNP Public Information Office Chief PBGen Randulf Tuaño sa pulong balitaan sa Camp Crame, at sinabing inilabas ang arrest warrant ng Mandaluyong City RTC Branch 279 para sa kasong murder at frustrated murder.
Maliban kay Garma, kasama rin sa mga ipinaaresto sina:
Edilberto Dela Cruz Leonardo
Jeremy Zapata Causapin alias “Toks”
Santie Fuentes Mendoza at
Nelson Enriquez Mariano
Walang piyansa ang inirekomenda ng korte para sa lima.
Nabatid na huling na-monitor ng mga awtoridad si Garma na nagtungo sa Malaysia.
Ayon kay Tuaño, natanggap na ng korte ang utos ng pag-aresto, habang ipinag-utos ni Acting PNP Chief PLTGen Melencio Nartatez Jr. na tiyakin ang “justice for all” sa kaso.
