Ibinahagi ng Dipaculao Local Disaster Risk Reduction and Management Office na nasa walong insidente na ang naitalang pagkalunod sa lugar kung saan namatay ang student-athletes na sina Rene Baterbonia at Divine Adili.
Ang detalyeng ito ay kinumpirma naman ni Dipaculao, Aurora DRRM officer Teresita Viloria sa naging pagdinig ng Senate Committee on Basic Education.
Sa naturang pagdinig, napag-usapan din ang naging pagkasunud-sunod ng pangyayari bago tuluyang mamatay ang dalawang student-athlete.
Ang naturang timeline para sa 'Chronology of events' na ipinresenta ay nagsimula sa ginawang ocular inspection sa lugar ni Coach Tab Baldwin noong June 7.
