Nagbabala ang EcoWaste Coalition sa publiko laban sa paggamit ng mga skin lightening products na may mataas na antas ng mercury at iba pang mapanganib na kemikal.
Kasunod ito ng babala ng US Food and Drug Administration (FDA) laban sa 30 skin care products na natukoy na may mercury at hydroquinone na maaaring magdulot ng seryosong pinsala sa kalusugan.
Ayon sa EcoWaste Coalition, dapat nang itigil agad ang paggamit ng mga produktong may mercury dahil maaari itong magdulot ng pinsala sa bato, nervous system, at maging sa balat kapag matagal na ginagamit.
Hinimok din ng grupo ang publiko na huwag magpadala sa pressure na baguhin ang kulay ng kanilang balat at sa halip ay pahalagahan ang natural na kutis.
Pinaalalahanan din ng US FDA na iwasan ang paggamit ng mga produktong may mercury at huwag gumamit ng skin lightening products na may hydroquinone nang walang reseta mula sa doktor.
