Kabuoang 24 na Chinese vessels ang na-monitor sa West Philippine Sea mula July 7 hanggang July 13.
Ayon sa Philippine Coast Guard (PCG), 21 ang mga China Coast Guard (CCGV) vessels, at tatlong People’s Liberation Army Navy (PLAN) vessels ang nakitang nag-o-operate sa economic zone ng Pilipinas.
Pinakamaraming namataan sa Bajo de Masinloc na nagkaroon ng 13 China Coast Guard ships.
Mula naman noong July 3 hanggang 13, apat ang na-monitor sa Ayungin Shoal; 2 China Coast Guard vessels at 1 PLAN vessel sa Escoda Shoal; at 2 China Coast Guard vessels at 2 PLAN vessels sa Pag-asa Islands.
Sa kabuoan, 24 barko ng China ang naitala mula sa nasabing mga areas sa loob ng higit isang linggo.
