Oil price hike na naman ang inaasahang paggalaw sa presyo ng LAHAT ng mga produktong petrolyo.
Sa pagtataya ng oil industry sources, gasolina ang mayroong namumurong bigtime na umento sa Martes.
May inaasahang P1.00 hanggang P1.20 na dagdag sa kada litro ng gasolina.
Samantala, tuloy-tuloy pa rin ang pagsirit sa presyo ng diesel.
Sa pagtataya, may inaasahang mula P0.40 hanggang P0.60 na umento sa kada litro ng diesel; at P0.40 hanggang P0.60 rin sa kerosene.
Ito na ang ika-walong linggong sunod na umento sa diesel at kerosene; habang ika-anim naman sa gasolina.
Una nang sinabi ng Department of Energy-Oil Industry Management Bureau (DOE-OIMB) na mga uncertainties at speculations pa rin ang dahilan ng pagsirit ng presyuhan sa world market dulot ng geopolitical tensions.
Kasunod ito ng banta sa Strait of Hormuz, pati na rin ang napa-ulat na pag-intercept ng Amerika sa mga tanker ng Iran.
