Muling naging sentro ng atensyon ang Pambansang Kamao na si Manny Pacquiao matapos pangunahan ang paghagis ng ceremonial first pitch sa pagitan ng New York Yankees at Athletics sa Yankee Stadium.
Ibinahagi ng boxing legend ang kaniyang malaking paghanga sa sports culture ng New York at itinuring na isang malaking karangalan ang makatayo sa mound kung saan maraming alamat ng baseball ang naglaro.
Ang pagbisitang ito ay bahagi ng serye ng pakikilahok ni Pacquiao sa iba't ibang sports events sa Amerika kamakailan, kabilang ang pagdalo sa mga laro ng NBA at MLS, gayundin ang pagsuporta sa boxing career ng kaniyang anak na si Jimuel.
Sa kabila ng pagiging retirado sa boksing, patuloy na pinatutunayan ni Pacquiao ang kaniyang katayuan bilang isang global icon at masugid na tagasuporta ng iba't ibang disiplina ng pampalakasan sa buong mundo.
