Hindi pa umano natatanggap ng Villar Land Holdings Corp. ang kopya ng inihaing reklamo laban dito ng Securities and Exchange Commission (SEC) sa Department of Justice (DOJ).
Mababatid na ang reklamo ay kaugnay ng mga alegasyon sa market manipulation at insider training ng kumpanya at mga direktor nito.
Sa isang pahayag, idiniin ng chairman ng Villar Group na si Manny Villar na dahil wala pa silang kopya ng reklamo, limitado lang ang kaalaman nila hinggil sa isyu.
Kasabay niyan ay nanindigan siyang pinapanatili ng kumpanya ang highest standards sa maayos na corporate governance.
Sinabi rin nito na committed sila sa transparency at pagsunod sa umiiral na rules and regulations na ipinatutupad ng SEC at Philippine Stock Exchange.
Sa katunayan nga raw ay nakipagtulungan ito nang magsimula ang SEC sa imbestigasyon.
Sa huli, tiniyak ni Villar na tutugon sila sa lahat ng mga alegasyon sa tamang forum, at makikipagtulungan din nang may impartial investigation.
