Naaalarma ang Albay Veterinary Office sa tumataas na bilang ng pagkasawi dahil sa rabies gayundin ang pagtaas ng mga kaso ng sakit na ito.
Sa panayam ng Brigada News FM Legazpi kay Provincial Veterinarian Dr. Pancho Mella, sinabi niya na nakita nila ang pagtaas ng mga bilang base sa pinakahuling datos nitong 2024.
Aniya, umakyat sa 10 ang naitalang kumpirmadong pagkasawi dahil sa rabies sa lalawigan noong nakaraang taon – mas mataas kung ikukumpara sa nai-record noong 2023 na nasa lima.
Habang sa mga kaso naman ng rabies sa tao, umakyat ito sa 28 noong 2024, mas mataas ito kumpara noong 2023 na nasa 18.
Binigyang diin ni Mella, mahalaga na maipatupad ang mga umiiral na ordinansa mula sa barangay level patungong Local Government Unit hanggang nasyunal na lebel para tuluyang matuldukan ang pagdami ng mga kaso ng rabies.
Dagdag pa niya, kahit na 100% itong nakakamatay, gayudin naman, 1005 din itong preventable sa pamamagitan ng pagbabakuna na siya ring tinututukan ng kanilang opisina.
