Tiniyak ni Palarong Pambansa 2026 Secretary General Usec. Malcolm Garma na tuloy ang Palarong Pambansa sa harap ng kinahaharap na pagsirit ng presyo ng produktong petrolyo.
Kasabay nito ay binigyang-diin ni Garma sa Final Technical Conference sa Provincial Learning Center, Patin-ay, Prosperidad, Agusan del Sur na bagaman tuloy ang palakasan, magkakaroon ito ng mga adjustment pagdating sa mga paggastos.
Samantala, sinabi naman ni Agusan del Sur Governor Santiago Cane Jr. na handa at committed ang kanyang probinsya para sa idaraos roong event.
Aniya, handa ang mga taga-Agusan del Sur para sa Palarong Pambansa 2026, at hinamon din ang mga partners na sumabay sa disiplina at lakas ng mga atleta ng bansa.
Hinimok pa ng gobernador ang lahat na isama sa pagpaplano ang sama-samang hakbang upang mai-transform ang aniya ay isang 'long-held dream' sa isang matagumpay na realidad.
Gaganapin ang Palarong Pambansa sa May 24 hanggang 31 ngayong taon.
