Sisimulan na sa Lunes, Hulyo 20, ng Department of Social Welfare and Development (DSWD) ang pamamahagi ng expanded United Package for Livelihoods, Industry, Food, and Transport (UPLIFT) para sa milyun-milyong mahihirap at near-poor na pamilyang apektado ng patuloy na pagtaas ng presyo ng langis.
Ayon sa DSWD, aabot sa 7.5 milyong benepisyaryo ang saklaw ng expanded UPLIFT program.
Kabilang dito ang 4.5 milyong mahihirap na pamilyang nasa ilalim ng Pantawid Pamilyang Pilipino Program (4Ps) at 3 milyong near-poor households na natukoy sa pamamagitan ng 2024 Community-Based Monitoring System.
Sa ilalim ng programa, makatatanggap ng isang beses na ayuda na hanggang P2,000 ang 3.5 milyong benepisyaryo ng Pantawid Pamilyang Pilipino Program o 4Ps at Walang Gutom Program.
Saklaw din ng programa ang 2.5 milyong mahihirap at near-poor na kabahayan na natukoy sa 2024 Community-Based Monitoring System.
Samantala, 1.5 milyong low-income workers at kanilang mga pamilya na nakarehistro sa Social Security System ang makatatanggap ng P2,000 kada buwan mula Hulyo hanggang Disyembre.
Nauna nang iniutos ni Pangulong Ferdinand Marcos Jr. ang pagpapalawak ng UPLIFT program bilang tugon sa panibagong pagtaas ng presyo ng langis na dulot ng umiiral na tensyon sa Middle East.
