Umapela si Senador Kiko Pangilinan sa National Bureau of Investigation at Philippine National Police na tugisin at sampahan ng kaso ng paglabag sa Cybercrime Law ang mga nagpapakalat ng maling impormasyon tungkol kay dating VP at ngayo'y Naga City Mayor Leni Robredo.
Sa post na shinare ni Pangilinan, mababasa ang naging pagsagot ni Robredo sa di umano'y nangto-troll sa kanya na nagsasabing sinungaling siya at patago raw palagi ang lakad nito sa Manila.
Sa naturang buradong post ng sinasabing troll, makikita ang pag-giit nito na linggo linggo na lang daw bumabyahe pa-Maynila si Robredo.
Bilang tugon dito ng dating bise presidente, sinabi niya hindi naman siya linggo linggo pumupunta sa Manila dahil ang iskedyul daw niya ay isang beses lang sa isang buwan.
Dagdag pa niya, kaya siya lumuluwas ay para makasama niya ang mga anak niyang nasa Manila.
Ayon pa sa kanya, kaya siya pumupunta sa naturang lungsod ay humihingi rin siya ng tulong sa mga national government agencies at maging private partners upang hindi na sila mangutang pa sa pagpapagawa ng infrastructure projects.
Sa ngayon, nanawagan na rin si Pangilinan sa nag-post ng di umano'y kasinungaling laban kay Robredo na itigil na ang kasinungalingan nito at maging ng mga taong nasa likod nito dahil tukoy na sila.
