Opisyal nang nagsimula ang 33rd Southeast Asian Games sa Rajamangala National Stadium, Thailand, kung saan nagpada ang Pilipinas ng pinakamalaking delegation sa kasaysayan, na may 1,600 atleta, coach, at opisyal.
Pinangunahan nina Alex Eala at Bryan Bagunas ang pagdadala ng watawat sa parade of athletes, kasama ang Alas Women at Men volleyball teams at si two-time Olympic medalist Nesthy Petecio, na parehong mga nakasuot ng barong-inspired uniforms na gawa ni Avel Bacudio.
Target ng Pilipinas na malampasan ang 58-gold, 86-silver, at 116-bronze medals mula sa nakaraang SEA Games noong 2023, kung saan nakapagtapos ang bansa sa ikalimang pwesto.
Maraming events ang magsisimula ngayong araw habang may ilang laro na rin ang nagsimula na bago ang opening ceremonies tulad ng baseball at football kung saan pasok na ang Philippine Men’s National team sa semifinals.
Samantala, tiniyak naman ni Philippine Sports Commission (PSC) chairman Patrick Gregorio na ligtas ang mga atletang Pilipino sa Thailand, sa kabila ng umiinit na tensyon sa ilang border at hinimok din niya ang mga atleta na ituon ang isip sa pagkuha ng medalya at pag-enjoy sa kompetisyon.
