Pinalakas ng Police Regional Office (PRO) 12 ang internal cleansing, kasabay ng pagsailalim ng 50 opisyal sa drug testing. Ayon kay Police Major Risa Hernaez, tagapagsalita ng PRO-12, layunin nilang isailalim sa random drug testing ang 7,000 personnel. Ito ay bahagi ng tinatawag nilang endless program upang masigurong walang miyembro ang gumagamit ng iligal na droga.
Ayon kay Police Lt. Col Peter Pinalgan, hepe ng Polomolok Municipal Police Station, humiling siya sa regional office na magsagawa ng sariling random drug testing sa lahat ng tauhan ng presinto. Layunin nito na masiguro ang kredibilidad ng kanilang mga operasyon, partikular na sa mga anti-narcotics operation. Noong nakaraang linggo, 50 matataas na opisyal ang sumailalim sa drug test sa pangunguna ni Brig. Gen. James Gulmatico, OIC ng PRO-12.
