Nagtaong direktiba an lokal ba gobyerno kan Camalig, Albay sa Camalig Municipal Police Station katakod kan haros surunod-sunod na mga insidente nin karahasan sa mga eskwelahan sa manlain-laing parte kan nasyon kan nakalihis na semana.
Segun kay Mayor Caloy Baldo, pinag-orden niya sa kapulisan an mas pinahigot na presensya asin an pirming paglibot sa mga eskwelahan nganing siyertuhon an seguridad kan lambang mga estudyante. An nasambit na direktiba an pinaabot ni Baldo sa sinagibong pagtiripon kan Local Council for the Protection of Children at Local Committee on Anti-Trafficking and Violence Against Women and Their Children.
Parte man su boot ini kan kamawotan kan LGU na bantayan an mga eskwelahan nganing mapugulan an anumang mga posibleng peligro kan mga estudyante pati naman an mga paratukdo sa mga eskwelahan.
Photo: Camalig PIO
