Namumuro na naman sa susunod na linggo ang umento sa presyo ng mga produktong petrolyo.
Sa pagtataya ng oil industry sources, inaasahang parehong tataas ang presyo ng diesel at ng gasolina; habang rollback ang maaaring paggalaw sa presyo ng kerosene.
Matapos ang halos P10.00 na rollback sa diesel nitong May 12 — price hike na naman ang maaaring adjustment dito sa susunod na linggo.
Maglalaro sa P2.30 hanggang P3.30 ang maaaring madagdag sa kada litro ng diesel.
Sa gasolina, mayroon ding inaasahang P0.20 hanggang P1.20 na umento.
Ito na ang magiging ikatlong linggong magkakasunod na dagdag-presyo sa gasolina.
Samantala, rollback naman ang inaasahan sa kerosene mula P0.80 hanggang P1.80 kada litro — ang ika-pitong sunod na linggong rollback para sa gaas.
Lunes, ia-anunsyo ng Department of Energy (DOE) ang itatakda nitong range ng oil price adjustment, habang Martes naman ito ipatutupad ng mga oil companies.
