Tinukar sa sarong pagdangog kan Committee on Public Order and Safety and Civil Defense kan Sangguniang Panlungsod kan Legazpi City an manungod sa propwestong ordinansa na ma-regulate sa pagsusulot nin helmet, balaclava, mask, asin iba pang pantaklob sa pandok sa pirang pampublikong lugar.
Pinangenotan ni Councilor Charlton Lajara, Chairperson kan komite asin author kan propwesto, an pagdangog komo parte kan pagsisikap na mas mapakusog an katoninongan asin kaayusan sa siyudad.
Obheto kaini na makatabang sa pagpugol kan mga aktibidad na pwedesir magin huma sa kaligtasan kan publiko mantang pigmamantenir an seguridad sa mga komersyal, panggobyerno asin iba pang pampublikong establisimento.
Segun sa propwesto, pigsasaalang-alang man an mga maninigong exemption asin an pagrespeto sa derechos kan mga Legazpeños sa pagpautob kan nasambit na regulasyon.
Photo: Konsi Lajara
