Nagsagawa ng investigative inspection ang magkasanib na tauhan ng Regional Civil Security Unit 5 at Placer MPS kasama ang duty security guard ng Black Arrow Security Inc. na nakatalaga sa La Niήa Pharmacy and General Merchandize at sa Costar Trading sa Brgy Poblacion, Placer, Masbate.
Nang hiningan ng mga awtoridad ang sekyu na naka-duty na si alias Jeck, 22-anyos, residente ng Brgy Badiang, Cataingan, Masbate; nagpakita ito ng kadudaduda at ‘unmatched documents’ sa kanyang service firearm.
Nakumpiska dito ang isang kalibre .38 na revolver na may defaced serial number na kargado ng tatlong bala at 6 pang reserbang bala.
Gayundin sa sekyu ng Costar Trading na si alias Rene, 24-anyos, may asawa at naninirahan sa Brgy Taboc ng parehong bayan. Tampered document naman ang naipakita nito sa isang kalibre .38 na revolver na kargado ng apat na bala.
Mahaharap ang dalawang security guards sa kasong may kinalaman sa illegal possession firearms and ammunition o RA 10591. #MALOHA HATOC
