Pinabulaanan ni Presidential Son at House Senior Deputy Majority Leader Sandro Marcos ang kumakalat na post sa social media na plano umano niyang tumakbo sa pagka-pangulo sa 2028 national elections
Sa kanyang story sa social media platform na Instagram, ipinakita ng kongresista ang screenshot ng naturang post.
Fake news aniya ito kaya pinayuhan nito ang lahat na mag-ingat sa “misinformation campaign.”
Batay sa 1987 Constitution, kwalipikadong tumakbo sa pagka-presidente ng Pilipinas ang natural-born citizen, rehistradong botante, nakakabasa at nakakapag-sulat at dapat ay hindi bababa sa apatnapung taong gulang.
Sa kasalukuyan, si Congressman Marcos ay 31 years old pa lang at sa panahon ng halalan sa 2028 ay magiging 34 years old na siya ngunit hindi pa rin pasok sa age requirement para maging presidential candidate.
