Patay ang usa ka staff sa Barangay Tignapoloan human gipusil sa wala pa mailang suspek gawas sa iyang panimalay sa Sitio Man-i Tignapoloan ning syudad sa Cagayan de Oro.
Giila ang biktima nga si Josie Ligasan, 65 anyos, kinsa na-assign sa solid waste task force sa maong barangay.
Saysay sa anak sa biktima ngadto sa Lumbia Police Station,anaa matud pa sa tugkaran sa ilang balay ang iyang amahan dihang kalit nalang kining gipusil sa wala mailang suspek.
Gilayon nga gidala JR Borja General Hospital ang biktima apan gideklarang ‘dead on arrival’ tungod sa na-angkong samad pinusilan sa tuo nga bahin sa dughan.
Padayon pa ang imbestigahan sa kapulisan sa motibo sa krimen.
Samtang, si Tignapoloan Punong Barangay Nancy Aban, buot ipa-ubos sa otopsiya ang patay’ng lawas sa iyang sakop.
