May magagamit nang panimulang kagamitan ang mga benepisyaryo ng Special Training for Employment Program sa Zambales.
Ito ay matapos na magbigay ng starter tool kits ang Technical Education Skills and Development Authority sa animnapung mga nagsipagtapos sa programa kamakailan lang. Ang mga tumanggap ay dalawampung nagtapos ng Shielded Metal Arc Welding at apatnapu naman sa Automotive Servicing NC I sa Provincial Training Center sa bayan ng Iba.
Layunin nitong maihanda ang mga benepisyaryo sa mas marami pang oportunidad para magamit sa paghahanapbuhay.
