Viral ngayon sa social media ang isang taxi driver matapos nitong punitin ang traffic citation ticket sa harap mismo ng enforcer.
Dahil dito, agad na umaksyon ang Land Transportation Office at naglabas ng Show Cause Order laban sa driver at sa may-ari ng taxi.
Inaatasan ang driver at operator na humarap sa kanilang Intelligence and Investigation Division upang magpaliwanag kung bakit hindi dapat suspendihin o bawiin ang lisensya ng driver dahil sa paglabag sa pagiging “improper person to operate a motor vehicle.”
Kasunod nito, ipinapasuko na rin ang lisensya ng driver at ipinatupad ang 90-day preventive suspension habang iniimbestigahan ang insidente.
Samantala, inilagay naman sa alarm status ang naturang taxi para hindi ito magamit habang nagpapatuloy ang imbestigasyon.
