Iniimbestigahan na ng Quezon City Police Districtang insidente ng pagnanakaw sa bahay ng noontime show host na si Teddy Corpuz sa Brgy. Holy Spirit, Quezon City.
Ayon sa QCPD, nangyari ang insidente noong g May 3, 2026 kung saan isang lalaki ang pumasok sa bahay ng biktima at tumangay ng ilang personal na gamit.
Lumabas sa CCTV footage na kumalat online ang pag-akyat ng suspek sa terrace bago puwersahang pumasok sa loob ng bahay.
Sa follow-up operation, natunton ng mga awtoridad ang posibleng lokasyon ng ninakaw na iPad na nagdala sa kanila sa Brgy. Holy Spirit, kung saan positibong kinilala ang suspek sa tulong ng CCTV at lokal na opisyal.
Kinumpirma rin ng ina ng suspek na siya ang lalaking nasa video.
Sa isang update video sa social media, sinabi ni Corpuz na ibinalik na umano ng kapatid ng suspek sa awtoridad ang ninakaw na iPad matapos itong isuko sa barangay.
Ayon pa sa kanya, ang ilang alahas na natangay ay hindi na naibalik
Mahaharap ang suspek kasong robbery sa Quezon City Prosecutor’s Office sa ilalim ng Article 299 ng Revised Penal Code.
