Nagbanta si US President Donald Trump na magpapataw ng 100% taripa sa lahat ng produktong inaangkat mula sa mga bansang magpapataw ng digital services tax sa mga mula sa Amerika.
Ayon kay Trump, agad na ipatutupad ang taripa laban sa anumang bansang magbubuwis sa mga US tech companies, at mananaig ito kahit may umiiral nang kasunduan sa kalakalan sa Amerika.
Kasunod ito ng pagtanggi ng France na alisin ang digital tax nito sa malalaking US technology companies, sa kabila ng panawagan ng White House.
Posibleng magpalala ang hakbang ng tensyon sa kalakalan sa pagitan ng Estados Unidos at mga bansang Europeo.
