10 PUWESTO; 1 BAHAY, NAABO SA SUNOG
KORONADAL CITY – 10 na mga puwesto at isang bahay ng Barangay Public Market ng Barangay Liberty, Tampakan ang naabo sa sunog kaninang umaga.
Ito ang inihayag ni John Bryan Pat president ng vendors association sa panayam ng 95.7 Brigada News FM Koronadal kung saan nagsimula ang apoy dakong alas 7:30 ng umaga mula sa isang puwesto na may computer shop. Halos wala namang naisalbang gamit o mga produkto man ang mga negosyante dahil ito’y halos naabo ng apoy.
Nagpaabot din si Pat ng kanilang pagkadismaya dahil matagal ang pagresponde ng kanilang bombero. Nabatid na ang mga firemen na pumunta sa area ay wala umanong dalang fire truck kung saan ito umano sila ay nakasakay lamang sa motorsiklo na may bitbit na fire extinguisher. Samantala, nananawagan din ang opisyal ng tulong sa mga may extra na kung maari ibigayu na lamang sa kanilang para sa kanilang pangangailangan.
Pinapasiguro ni Barangay Chairman Noli Jalagata ng Barangay Liberty, Tampakan ang agarang aksyon ng kanilang konseho para sa mga apektado ng sunog lalo na yaong mga pamilya na walang naisalbang mga gamit mula sa kanilang mga puwesto.
Ayon kay Jalagat inihayag nito na may inisyal na itong pag-uusap sa ilang kawagad nito. Humihiling naman nito na tulong sa karatig na mga purok na tulungan yaong mga apektado ng sunog.
Kaugnay nito, kaniya umanong naunawaan na ang sunog ay mag-iiwan ng malaking pinsala, ngunit kaniya na lamang umanong binibigyan ng pagpapasiguro ang kaniyang sakop ukol sa pangyayari.
Panawagan naman nito sa lahat na mag-ingat upang maka-iwas sa sunog. Maaalala na ang 10 na mga puwesto ay gawa sa light material. Samantala, hindi na naibibigay ng Bureau of Fire Protection o BFP-Koronadal ang dahilan ng naturang sunog.
