⁣Tag-iya sa balay nga namatyan ni alyas Raymund nakalabay nga bulan, gipusil patay kagabie
Patay ang usa ka Job Order employee sa dakbayan San Carlos homan gipusil sa CL Ledesma Avenue Brgy. 2, sa nasampit nga syudad, pasado alas 8 sa gabie, Agusto 27, 2024.


Naila ang biktima nga si alyas Jerome, 37 anyos, ug residente sa Campo Siete Brgy. 5 sakop ning dakbayan.
Sigon sa mga naka-saksi, gisaysay ni alyas Dodong dihang nahinabi kini sa Brigada News Team, nga gikan sa iyang tindahan si alyas Jerome tungod nagpacash-in sa Gcash.


Dugang pa nga dihang midool na ang biktima sa iyang motor, kalit lang kini nga gipusil sa maka-tulo kahigayon sa wala pa mailhing suspetsado.


Nakuha sa crime scene ang tulo ka basiyo sa bala sa calibre 45.


Samtang daling miikyas ang matod pa duha ka mga suspects diin ang usa mao ang mipusil og usa mao ang nagmaneho sa wala pa masuta nga klase sa motorsiklo patubang sa Urban nga direksyon.


Sa karon padayun ang imbestigasyon og ingon man hot pursuit operation sa kapolisan kalabot sa nahitabong pagpusil patay kang alyas Jerome.


Kahinumdoman nga si Alyas Jerome mao ang tag-iya sa balay diin gipusil patay si Alyas Raymund sa Campo Siete, Brgy. 5, San Carlos City nakalabay nga Hulyo 29, 2024.

⁣Barangay Buenavista, lungsod sa Calatrava, gisusi sa probinsya alang sa lupong tagapamayapa incentives awards 2026

⁣LGU Calatrava, nagpahigayon og GAD planning og budgeting workshop

⁣Calatrava BFP, miapelar sa publiko nga likayan ang pagsunog og sagbot ug kansyaha sa tubo

⁣Coastal clean-up activity sa Barangay Lipat-on lungsod sa Calatrava, mikabat sa 47 ka sako sa non-biodegradable ang nakolekta

⁣Mapahiyumon nga midawat ang 200 ka mga benipisyaryo sa ayuda ug subsidy nga gikan sa Province pasado alas 12 sa udto sa OSCA office Brgy. III dakbayan San Carlos.


Gilangkuban kini sa 127 ka mga senior citizen, 27 ka mga persons with disability ug 66 ka mga Day Care worker ang nakadawat ug tag 3000 pesos kada usa kanila.


Matod pa ni senior citizen incharge focal person Marval Montaño kini nga programa alang sa mga indigenious people sama sa mga senior citizen, persons with disability ug daycare worker nga makatabang ilang pang-adlaw-adlaw nga panginahanglan.


Si Mercidita Polio nga taga So.Malahay Brgy. Buluangan dako ang pasalamat sa iyang nadawat nga kwarta alang sa iyang mga anak nga adunay sakit ug PWD kini.


Mapasalamaton usab si Aurelia Iwayan usa ka 73 anyos nga taga katiclan Brgy. Rizal sa iyang nadawat nga cash matod pa dako na kining tabang kaniya.


Si Federation President sa San Carlos Child development workers Novelyn Vargas usa daycare worker nalipay ug dako iyang nadawat gikan sa Province.

⁣Nasikop sa kapolisan ang usa ka street level indibidual sa gipahigayong buybust operation pasado alas 2 kagahapon September 25,2024 sa Rizal St. Brgy. 3, San Carlos City, Negros Occidental.

Naila ang nasikop nga si alyas Pinok, 55 anyos, ulitawo ug residente sa nahisgutang lugar.

Nakuha gikan sa possession ni alyas Pinok ang unom ka sachet sa gituhuang shabu lakip ang buybust item nga gibana-banang may gibug-atong 5.81 gramos nga mobalor ug 39,508.00 pesos,usa ka sling bag,usa ka open transparent sachet ug 500 pesos nga buybust money.

Sumala pa sa kapolisan kapin duha ka semana nilang gimonitor ang suspek nga miresulta sa pagkasikop niini.

Sa karon detinado na sa custodial facility sa San Carlos City Police Station ang dinakpan ug mag-atubang sa kasong kalapasan sa R.A.9165 kon Comprehensive Dangerous Drugs Act of 2002.