Nakaresibe ki tabang pinansyal an nasa 100 benepisyaryo kan Department of Social Welfare and Development sa irarom kan KALAHI-CIDSS Kapangyarihan at Kaunlaran sa Barangay Cash-for-Work Program for Persons with Disabilities sa Viga, Catanduanes. Kaibahan sa mga benepisyaryo an 90 PWDa asin 10 careworkers.
Nagresibe an lambang benepisyaryo nin tig-P4,350 komo kabayadan sa saindang partisipasyon sa programa. Obheto kan cash for work program na ini na makapagtao nin paramientras na mapagkakakitaan mantang pig-eengganyar an aktibong pakikisumaro kan mga PWD asin caregivers sa mga aktibidad pangkomunidad na nagbubusol kan saindang karahayan asin inklusibong pag-uswag.
Segun sa DSWD, parte ini kan padagos na pagpapautob kan mga inisyatiba kan gobyerno para sa social protection kan mga vulnerable sector nganing siyertuhong warang sektor na mababayaan sa mga programa.
Photo: DSWD V
