Aabot sa 115 social media accounts a nagbebenta ng iligal na paputok online ang tinanggal ng PNP Anti-Cybercrime Group (ACG).
Ayon sa ACG, kabilang sa mga tinanggal ang 59 na Facebook accounts, 54 na X o dating Twitter accounts, isang website, at isang Spotify account.
Sa ngayon, nasa 208 pang social media platforms ang binabantayan ng PNP-ACG
Nagpapatuloy naman ang cyber patrolling ng ACG upang subaybayan ang mga iligal na gawain sa internet.
Umabot naman sa P76,400 ang halaga ng mga iligal na paputok ang nakumpiska nila ilang araw bago ang pagsalubong sa taong 2025.
Mula ito sa isinaagwang walong operasyon kung saan 10 ang naaresto.
Kabilang sa mga nakumpiska ang Kingkong, Atomic bomb, POP POP, kwitis, fountain, judas belt, whistle bomb, five star, pastillas, kabase, tuna, goodbye philippines at Piccolo.
Gayundin ang plapla, 3star, sparkle, small luis, five colors, dynamite, yakult at crying cow.
