Nakauwi na ng bansa ang 12 Pilipino na biktima ng human trafficking sa Cambodia, ngayong araw.
Kasama nilang dumating sa Pilipinas si Department of Migrant Workers (DMW) Secretary Hans Leo J. Cacdac na siyang nanguna sa pagbubukas ng pinakabagong Migrant Workers Office (MWO) sa Cambodia.
Sa kanilang pagdating, agad silang inasikaso ng DMW Central Office and National Capital Region, Overseas Workers Welfare Administration (OWWA)-National Capital Region, the NAIA Task Force Against Trafficking (NAIA TFAT), and the Department of Justice – Inter-Agency Council Against Trafficking (DOJ-IACAT).
Ang mga naturang biktima ay nakatanggap na ng tulong mula sa DMW at OWWA, partikular na sa kanilang transportasyon at pansamantalang hotel accomodation.
Gayunpaman, tiniyak ng ahensya na patuloy silang makatatanggap ng assistance para sa kanilang panimula sa pamamagitan ng mga oportunidad at trabaho.
