LUCENA CITY - Arestado ang isang miyembro ng CTG matapos ang ikinasang operasyon ng mga awtoridad sa Barangay Sampaloc, Tanay, Rizal nitong Huwebes, Agosto 8.
Kinilala ang nadakip na suspek na si alyas "Gea", 18-anyos, residente ng General Nakar, Quezon at miyembro umano ng Komiteng Larangang Gerilya (KLG) Narciso sa ilalim ng Sub-Regional Military-4A.
Ang akusado ay may kinakaharap na kasong Frustrated Murder na may inirerekomendang piyansa na nagkakahalagang ₱200,000.
Sa ngayon, nasa kustodiya ng mga awtoridad ang akusado na Rank 9 Quezon Most Wanted Person. | Brigada Toneth Jarlan
