Hinikayat ng Department of Social Welfare and Development (DSWD) ang 2.5 milyong benepisyaryo ng UPLIFT Program na mag-download at magparehistro sa eGovPH app bilang paghahanda sa digital na pamamahagi ng ayuda simula Agosto.
Ayon sa DSWD, ang unang payout ngayong Hulyo ay isasagawa nang manu-mano sa mga local payout sites, habang ang mga susunod na buwanang ayuda na P2,000 hanggang Disyembre ay direktang ipapadala sa mga digital account tulad ng GCash at LandBank.
Pinapayuhan ni DSWD Spokesperson Irene Dumlao ang mga benepisyaryo na mag-download at mag-register na sa eGovPH app bago pumunta sa payout sites upang mabilis na ma-verify ang kanilang napiling payment channel at maiwasan ang anumang pagka-antala.
