Dalawang miyembro ng Communist Terrorist Group (CTG) ang nasawi sa magkahiwalay na sagupaan sa Barangay San Francisco at Barangay Cuenco sa nasabing bayan.
Ayon sa ulat ng militar, nagsasagawa sila ng focused operation matapos makatanggap ng impormasyon mula sa mga residente ukol sa presensya ng armadong grupo na umano'y nagsasagawa ng extortion activities sa lugar.
Unang naganap ang engkwentro noong March 23 sa Barangay Cuenco sa pagitan ng 19th Infantry Battalion at tinatayang 15 miyembro ng Sub-Regional Guerrilla Unit ng Sub-Regional Committee Emporium sa ilalim ng Eastern Visayas Regional Party Committee (EVRPC).
Napatay sa sagupaan si Domeng Tulin, alyas “Pawa.”
Kahapon, muling naka-engkwentro ng mga sundalo mula sa 20th Infantry Battalion ang 10 rebelde na pinamumunuan ng isang alyas “Rebok.”
Matapos ang pitong minutong bakbakan, umatras ang mga rebelde at iniwan ang bangkay ng kanilang kasamahan.
Patuloy ang operasyon ng militar upang tugisin ang mga natitirang miyembro ng grupo.
