Isinailalim sa isolation at pagsusuri ang dalawang residente ng Singapore matapos makumpirmang sakay sila ng isang cruise ship na nauugnay sa outbreak ng hantavirus.
Ayon sa Communicable Diseases Agency (CDA) ng Singapore, ang dalawang pasahero ay kapwa lalaki na may edad 65 at 67-anyos at kasalukuyang naka-isolate sa National Centre for Infectious Diseases.
Sila ay kabilang sa mga pasaherong sakay ng MV Hondius na umalis mula sa Ushuaia, Argentina noon pang Abril 1.
Matatandaang, tatlong katao na ang nakumpirmang nasawi, habang walo naman ang pinaniniwalaang nahawa ng virus.
Kasalukuyang mino-monitor ng mga awtoridad ang mga pasaherong maaaring na-expose sa cruise ship upang maiwasan ang posibleng pagkalat ng sakit sa iba pang bansa.
