CAMARINES SUR- Nasungkit ng 14 mga barangay sa Camarines Sur at pito naman sa Naga City ang prestihiyosong Seal of Good Local Governance for Barangay ng Department of Interior and Local Government o DILG.
Sa 1,063 barangay sa buong lalawigan 21 ang nakaabot sa mga criteria partikular na sa financial administration and sustainability, disaster preparedness, safety, peace and order, social protection and sensitivity, business-friendliness and competitiveness at environmental management.
Ang mga barangay na nakasama sa Naga ay ang Bagumbayan Norte, Calauag, Dayangdang, Del Rosario, Dinaga, Igualdad, Lerma. Habang Sagrada at San Vicente sa bayan ng Baao, Balaogan sa Bula at Begajo Sur sa Libmanan. Kasama rin sa mga awardee ang mga barangay ng Carangcang, Ponong, San Juan, Santa Lucia at Santa Rosa sa Magarao. May SGLGB rin ang Amparado, Del Rosario, Flordeliz at Tarusanan Milaor gayundin ang Rizal sa bayan ng San Fernando.
Proud si Igualdad, Naga City Punong Barangay Angelo Bendiola sa kaniyang mga kasamahan at mga KaBarangay dahil unang pagkakataon aniya ito na makasama sila sa National Passer. Aniya ang pagkilala ay repleksyon kung gaano nila inilagay ang puso at karakter sa pagsilbi.
