Hindi bababa sa 26 katao ang nasawi at 61 ang nasugatan matapos ang malakas na pagsabog sa Huasheng Fireworks Manufacturing and Display Company sa Liuyang, Hunan Province, na kilala bilang sentro ng industriya ng paputok sa China.
Dahil sa tindi ng pagsabog, nagpadala ang mga awtoridad ng mahigit 1,500 rescuer, drone, at robot habang sapilitang inilikas ang mga residente dahil sa nakaimbak pang pulbura sa dalawang bodega ng pasilidad.
Nag-utos naman si Chinese President Xi Jinping ng malalimang imbestigasyon sa insidente, kasabay ng pansamantalang pagpapasara sa lahat ng pabrika ng paputok sa Liuyang at pagdetine sa namamahala ng kumpanya habang sinusuri ang posibleng paglabag sa safety measures.
