CAMARINES SUR- Patay ang tatlong mga New People’s Army sa engkwentro sa Iriga City , Camarines Sur ngayong Biyernes Santo.
Nagkabakbakan ang tropa ng 42nd Infantry Battalion at ang nasabing grupo bandang alas-5:30 ng umaga sa Barangay Sagrada sa nasabing lungsod. Sa ulat na natanggap ng 42nd IB nagsasagawa umano ng extortion activities o pangingikil ang mga rebelde sa lugar. Daan ito upang maglunsad ng operasyon ang tropa ng pamahalaan na nagresulta sa palitan ng putok sa tinatayang sampung mga NPA.
Sa halos 20-minutong palitan ng putok nagresulta ito sa pagkasawi ng tatlong hindi pa nakikilalang miyembro ng NPA. Nahuli rin ang isa pang kasamahan. Narekober ang isang M16 rifle, M14 rifle, R4A3 rifle at mga personal na gamit.
Patuloy ang seguridad ng kasundaluhan ngayong Semana Santa.
