Patay ang usa ka 39 anyos nga lalaki homan kini gipusil sa wala mailhing suspetsado pasado alas 7 sa gabii, Oktubre 10, 2025, sa San Juan Tunga, Barangay 5, dakbayan San Carlos.
Naila ang namatay nga si Alan Cañete alyas “Jek2,” 39 anyos, single, construction worker og residente sa maong lugar diin base sa inisyal nga imbestigasyon sa San Carlos City Police Station, samtang nagbarog ang biktima sa eskinita, kalit lang nga miduol kaniya ang suspetsado og gipusil kini makadaghang higayon.
Si Cañete nakaangkon og daghang samad-pinusilan sa lain-laing parte sa lawas og gidala pa kini sa tambalanan apan gideklarar nga patay sa attending physician diin homan sa maong insidente dali nga miikyas ang suspetsado paingon sa wala pa matinong direksyon.
Ang kapulisan sa San Carlos City Police Station nakadawat og report gikan sa usa ka concern citizen pinaagi sa radio call og mitubag dayon sulod sa duha ka minuto homan sa pagreport diin nakita sa crime scene ang tulo ka basiyo sa bala sa kalibre .45 nga armas.
Gitinguha sa kapulisan nga masuta ang motibo sa pagpamusil og makab-ot ang hustisya alang sa biktima.
