//CA
Iniutos na ni Police Regional Office CALABARZON Director BGen. Paul Kenneth Lucas ang masusing imbestigasyon sa pamamaril sa Barangay Hall sa Salitran 3, Dasmariñas, Cavite kaninang umaga.
Sa ulat mula sa Police Regional Office 4A, habang isinasagawa ang flag raising ceremony pasado alas-8 ng umaga, lumapit ang suspek na si alyas “Ariel,” na dating barangay tanod at sunod-sunod na nagpaputok sa mga opisyal ng barangay.
Nagresulta ito sa pagkamatay ng apat katao, kabilang ang suspek na nagbaril ng kanyang sarili matapos ang insidente.
Isa naman ang naitalang sugatan.
Kasalukuyang iniimbestigahan ng Dasmariñas Police ang motibo sa krimen habang ipinoproseso na ng SOCO ang crime scene.
Inaalam na rin ng pulisya ang motibo sa pamamaril.
#
