Patay na nang matagpuan at may mga saksak sa katawan ang apat na miyembro ng isang pamilya sa loob ng kanilang bahay sa Barangay Litapan, Josefina, Zamboanga del Sur, alas-7 ng umaga ngayong June 29.
Sa pakikipag-ugnayan ng Brigada News FM Manila sa Josefina Municipal Police Station, kinilala ang mga biktima na isang 42-anyos na ina na isa ring barangay health worker, dalawa nitong anak na babae na edad 14 at 16 at isang 11-anyos na lalaki.
Nagsasagawa na ng masusing imbestigasyon at follow-up operations ang Josefina mps upang matukoy ang motibo at maaresto ang mga responsable sa krimen.
Nanawagan din ang pulisya sa sinumang may impormasyon na makipag-ugnayan sa pinakamalapit na himpilan ng pulisya upang mapabilis ang paglutas sa kaso.
