Inilagay na sa restrictive custody at dinisarman ang apat na pulis na sangkot sa insidente ng pamamaril noong Biyernes Santo, April 3 sa Barangay Irawan, Puerto Princesa City.
Ayon kay PNP Chief Gen. Jose Melencio Nartatez Jr., ang apat ay rumesponde sa isang gulo sa isang lamay nang walang koordinasyon sa kanilang hepe at umano’y nasa ilalim ng impluwensya ng alak habang naka civilian attire sa kabila ng full alert deployment sa katatapos na Holy Week.
Sa apat na pulis, tatlo ay may ranggong Police Staff Sergeant at isa ay Corporal.
Lahat sila ay nakatalaga sa Police Station 2 ng Puerto Princesa City Police Office.
Inatasan ni Nartatez ang Regional Director ng Police Regional Office Mimaropa na tiyakin na walang cover-up o whitewash sa kaso.
Kasama rin sa hakbang ang paghahain ng angkop na administrative at criminal charges laban sa mga opisyal.
Nagpapatuloy ang imbestigasyon upang matukoy ang eksaktong pananagutan at posible rin ang pag-file ng homicide o murder charges batay sa resulta ng imbestigasyon
