Ipinag-utos ni PNP Chief Gen. Jose Melencio Nartatez Jr. sa Regional Director ng Police Regional Office MIMAROPA ang pag-aresto at pagkulong sa apat na pulis na tinukoy na rumespunde sa insidente ng pamamaril noong Biyernes Santo sa Barangay Irawan, Puerto Princesa City, Palawan na ikinasawi ng tatlo katao.
Kabilang sa mga nasawi ang dalawang pulis at isang personnel ng Bureau of Corrections (BuCor).
Sa flag raising ceremony sa Camp Crame, sinabi ni Gen. Nartatez, na rumesponde ang mga nasabing pulis nang walang kaalaman o pahintulot ng kanilang hepe, na isang malinaw na paglabag sa umiiral na police procedures.
Dagdag pa niya, maaari sanang naiwasan ang insidente kung maayos na nagabayan ng mga opisyal, partikular ang chief of police at provincial director ang kanilang mga tauhan.
Dahil dito, inatasan na ng PNP Chief ang Criminal Investigation and Detection Group at ang Directorate for Investigation and Detective Management na magsagawa ng masusing imbestigasyon sa insidente.
Giit ng PNP, walang magiging cover-up o white wash sa kaso.
Nauna nang ni-relieve sa puwesto ng chief of police ng Puerto Princesa City Police Office bilang bahagi ng pananagutan sa insidente.
