Arestado ng Quezon City Police District ang limang shoplifters sa magkakahiwalay na insidente sa isang mall sa Barangay Sto. Cristo, Quezon City.
Kabilang sa mga naaresto sina alyas "Ger," "Nat," "Iv," "Chris," at "Che."
Ayon sa QCPD, kabilang sa mga suspek ang isang repeat offender na gumamit umano ng pekeng pangalan.
Nasa mahigit 23,000 ang halaga ng mga nakumpiskang gamit, kabilang ang personal care products, grocery items, damit, underwear, payong, accessories at pagkain.
Ayon sa imbestigasyon, nagpanggap umanong ordinaryong customer ang mga suspek bago itinago sa kanilang mga bag ang mga produkto at tangkang lumabas nang hindi nagbabayad.
Naaresto sila ng security personnel habang palabas ng establisyimento.
Sasampahan ng kasong theft ang limang suspek, habang may dagdag na kaso ng paggamit ng fictitious name ng isa pang suspek na si alyas "Che," na lumabas ding may mga dati nang rekord sa pagnanakaw at may warrant of arrest.
