NAGA CITY- Isinugod sa ospital ang walong mga residente ng Tambang, Tinambac, Camarines Sur matapos na makaranas ng pananakit ng tiyan at masamang pakiramdam matapos na kumain ng laman ng kamoteng kahoy.
Ayon kay Punong Barangay Jun Maño, sampung mga magkakaanak ang nakakain ng naturang kamoteng kahoy, walo ang isinugod sa Tinambac Infirmary habang hindi na sumama ang dalawa matapos na umayos na ang lagay. Inilipat naman ang mga pasyente sa Bicol Medical Center sa Naga at ngayon ay nagpapagaling na.
Napag-alaman ni Maño sa mga residente, na hindi naging maganda ang pagkakaluto ng kamoteng kahoy, papatay-patay daw kasi ang apoy. Hindi nabantayang mabuti habang nililuto.
