Inanunsyo ng Philippine Drug Enforcement Agency (PDEA) ang pagreretiro ng siyam nitong Narcotic Detection Dogs o K9 units na matagal na nagsilbi sa anti-illegal drug operations sa buong bansa.
Binubuo ang mga K9 ng 5 Belgian Malinois, 3 Jack Russell Terriers at 1 Labrador na may average na edad na 12 taon.
Naging katuwang ang mga K9 dogs sa airport at seaport inspections, checkpoints at operasyon kontra droga.
Ayon kay PDEA Director General Undersecretary Isagani Nerez, karapat-dapat na silang bigyan ng “peaceful retirement” at maayos na tahanan matapos ang kanilang serbisyo bilang “hero dogs.”
Bukas ang adoption process para sa mga kwalipikado at may kakayahang magbigay ng maayos na pangangalaga, kabilang ang application interview, at post-adoption monitoring upang matiyak ang kapakanan ng mga K9.
